[S機]V2AB概要(心得+簡介)

zeroexia01

感想:眼看以前公會頻好多人好熱鬧
一到五六日各個公會爭住開隊打會戰
但係依家由於其他遊戲既出現 以及 代理商既態度
導致少左好多人打會戰 ，公會區仲變得好冷清
不過，遊戲入面仲有好多新玩家希望接觸公會戰
但佢地對公會戰唔了解，於是我就希望透過自己既文章可以幫到佢地啦ＸＤ

V2 ASSAULT BUSTER GUNDAM
V2AB高達


前言:我接觸呢部機係由朋友借帳號俾我玩既<3
(感謝無名小卒版主xd)
一開始係港服只係得好少人有
果時咁岩係公會戰比賽
當大家見到彈珠既V2AB大放異彩
我相信已經令大家印象深刻
當時候V2AB既強大實力壓倒性獲勝其他S
即使去到依家佢都毫不遜色 為強勢機體之一

機體簡介:
將V2鋼彈的突擊型組件和爆擊型組件同時裝備的重裝形態。在天使之環攻防戰中投入實戰。原本兩套分別使用的組件通過重新設計掛點，令其沒有互相干涉地混合裝備在V2鋼彈身上。 V2鋼彈的高機動性光之翼、突擊組件防御力的I FIELD發生裝置與大型光束盾牌、爆擊組件重火力的MEGA光束加農炮和擴散式光束莢艙，全部能力集於一身的超強力機體。

簡單d黎講咪即係將v2a同v2b合二為一
將d武裝夾硬咁放哂入去-______-
不過v2的確係uc年代最強機體(?)

合成材料:

我最唔明就係點解既然武裝係咁樣放入去
點解合成表入面無v2b 咁佢點樣有擴散砲呢._.
而且身為ss機 佢合成係有相當既難度

機體六圍:

雖然身為ss機 但係hp只有15.9
只係同 s等級既00q同級 可能剪機都係咁上下xd
r前六圍上我地可以睇到係速度同敏捷十分之高
反而攻擊力就好低 差唔係b機等級
而呢個六圍既組成因素同佢既武裝有直接既關係
(下面會詳解)

r後既六圍更加奇怪，
防禦力，速度，敏捷都大幅下降
只有攻擊力有小量既提升
不過大家都可以理解到
如果v2ab開住盾仲走得咁快高防
就屈哂機架喇-____-

不過有幾點大家值得留意

佢噴氣既時間係r後係會少左
由3.7秒>3.33秒
加上速度同時少左
所以大家係跑路既時候明顯會覺得好慢
箸草都箸唔切=(


r後會有三角形光盾於前方
盾牌血量係1000000 係會戰要射爆佢根本就無可能-,-
以前既光盾係100%防光 但太屈機之後
官方就將佢nerf為80% 而且貫穿既武器仲會痛d
所以大家係會戰對住卡飛既射擊
照樣係會扣血
好多時候我都係一兩血比人連盾射穿爆炸 boomboomboom

武裝:
由於身為ss機，理所當然地係有六種武裝
而佢六種武裝可以話係萬能得黎又好唔萬能
大家可能認為要近戰有近戰
要中距有中距　要遠程有遠程
但事實上就係往往你開住盾因為無刀
噴氣時間又少成日都比人捉死= =


由r前講起
r前既1武係光束軍刀
1300系數其實唔係好特別 打落卡飛度可能都係得半血
因為六圍攻擊力偏少既關係
所以呢把刀係會戰打人係比較細力
相較之下00q既r後一刀流係有力好多
而且會戰身為s機 拔刀多數都係自保
如果比劉備/c拳追住 唔係有絕對既信心
我建議都係搵自己包機幫拖算啦-.-
影片:

由片中我地可以望到ab既刀速一般唔算快
而且起手好古怪 大家可能需要一段時間去摸索

2武係大家都好熟識既擴散砲
彈藥好多，而且距離係好遠
不過係應用唔到係中距戰
因為擴散既特性係中距戰只會中一兩發
而且六圍上攻擊力低
換言之打落去無feel咁
所以佢作用係近距離纏鬥時作出tons of damage
以發揮佢100%既威力
影片:

片中可以望到當貼住敵人攻擊既時候
就會作出好大既傷害 用法同v2b接近一樣
大家可以參考其他v2b高手既文章去增加對佢既認識

3武係好特別既連裝飛彈發射器
 

同其他bc機同類武裝有d相異之處
第一，佢距離係好遠 去到光槍既距離
當人地用光槍同你對射既時候
你可以捉到對方滯空既機會去放3武
雖然自己會硬食一槍
但對面好大機會食哂成排導彈
可見呢個武裝爆發性係一流
第二，會戰比拳機纏住既時候
可以先跳起用3武滯空 對佢地作出傷害
再等待自己隊友既支援
不過同時要小心
一d拳機技術高超既玩家可能會捉到ab滯空機會
去對ab作出傷害 所以各位ab既玩家要自己衡量下實際情況
再決定自己對住拳機既應對方法

由於r前既ab偏向近身戰
所以佢既必殺官方都設定左係亂舞

不過係會戰入面多數ab都係維持r後形態
所以變相放r前必殺既機會係十分之少
如果比拳機捉到 而又唔想用瞬移
咁就被逼放必
仲有一點，當人地劉備得番一命既時候
ab俾劉備斬中既時候我都建議放必
因為r前必殺值高
而且b機血量有限 大部分真劉備配點均為3速
所以當ab用亂舞必落去劉備低過半血
係好大機會令到佢直接0命的
對方因此而造成3v4既局面
而且仲會無左光環 變相我方優勢大大增加

跟住落黎係r後既武裝介紹

1武係中距戰專用既光槍連射
系數唔算高，手感怪
而且同光槍最大既分別係
連射式武裝係中距移動戰上劣勢好多
至於距離上係同基本光槍一樣
如果對面係無掩體既情況之下
大家就可以盡情掃射啦xd
影片:

相較之下我覺得佢既連射速率
係比其他機慢 可能係錯覺啦._.

2武係MEGA光束步槍
判定為遠程 距離都好遠 有4200射距
不過彈藥少 一次爆發性好低
雖然呢個武裝係主要武裝
但我反而覺得對呢個武裝介紹唔洗多
因為同普通既不倒地超視砲感覺係差唔多
威力唔算高 只有1900系數 因為比人nerf左好多次-_-
值得留意既係
當面對移動中既目標係需要手動調整角度
有用開t3既玩家可能用起呢支砲上黎會得心應手好多
影片:

不過大家唔好造成錯覺
以為ab開2武既時候係拎開左個盾xd
佢就算放緊2武滯空既時候同樣係有光盾的

r後3武係v.s.b.r
倒地值為100 換言之係ab武裝中
唯一既倒地砲
不過小心對面出左虎王/cu渣古 呢類機體
由於抗遠程技能既加成
係照樣可以直衝去ab度 大家要提防呢點
講下呢支武器既特質
距離都算ok遠 同2武比較下係少400距離
即係3800 同ab自身lock距一樣
開槍時無硬直動作 不過有好明顯既延遲射擊
最最最最最最最最特別既係
支倒係由腰間射出 而且因為佢無硬直既關係
唔好以為同f91一樣咁易用描到就放
當打會戰雙方ab移動中 兩個一齊放倒地砲
就係睇大家既射擊技術去調整射角
講就容易 做就好難 呢支砲真係要大家好花時間去摸索用法
同時地，威力係相對低
大部分s機倒地砲都有2000up系數
但呢支系數不足2000
因此箸重其實際效益大於其威力
影片:

回彈速度唔算快 慎用

最後就係佢r後既必殺喇!!!!!
必殺技準備就緒xd
好奇怪地 ab連必殺都係腰間放出
變相唔能夠做到係掩體後面
跳起再放個必落對面s
因為咁樣做一定撞牆爆-_________-
影片:


技能方面:

講講技一先，呢招加防技係AB身上有明顯既作用
因為AB係公會戰大部分時間都係開住盾作戰
但係R後防禦力得B機級數
開左技之後係會令AB比拳捉到傷害大幅降低
效益係十分之高 仲好過加攻

至於技二，我地逐樣分析下
機動力上升，對於一部Ｓ剪黎講可能無咁明顯
因為本身AB既敏捷已經好足夠，
但係少少既機動上升都可以稍稍幫到Ｒ前既近中戰。
至於加噴氣時間　對於Ｒ後形態係好強的
正正彌補左本來短噴氣既缺點
就算人地拳機追埋黎 你都有足夠既噴氣去搵支援
而雷達呢個功能係實而不華的
眾所周知一堆拳都會隱型黎搵S剪打
開左雷達之後就可以令AB玩家無時無刻提防拳機
更加可以清楚知道對方既陣型,走位,所在位置
若然大家係有SKPYE等通訊軟件
更加可以通知隊友對方既位置
索敵距離增加呢一項
係AB既身上無V2A咁顯箸
不過照樣有用 因為R後AB既索距係唔夠2武射距遠
當你開左技2之後就可以更加充份運用2武既距離
可能果400距離就決定左你既勝負
至於攻擊力上升呢點...
UGHHHHHHHHHHHHHHHHHHHHHHHHHHHHHHHH
有好過無啦 但如果打亞索陣 射落開鐵壁既亞索度
我都係覺得無乜大分別-_-
反而射卡飛就會有明顯既提升
至於BEAM防禦力上升呢點.................
UGHHHHHHHHHHHHH
R後都有盾 技能帶黎既作用就係你可以用R前血拼近戰既時候
比卡飛偷槍都無咁入肉 不過本身都好似唔多痛(?)
最後係最有用既回彈上升
基本上自己隊LB開左技能之後
我會建議AB係恰當既情況下比人削一削血開技能
唔好以為低血一定就係唔好
正正因為呢招技能帶黎既索距同埋回彈速度上升
就令到AB R後既輸出得以最大化 作為一部S係必須的

會戰走位及陣容見解:
由於我都唔係好識點樣用文字表達走位呢方面
所以我就引用左呢中一盤KC聯賽片段加以分析

一開局雙方AB都採取比較保守既走位
企於陣容既後方作輸出
因為前方有隊友 就算有任何既突擊都可以立即通知AB
以作出下一步既應對
此外，開局多為射擊戰
AB企於後方可以好好運用佢遠射程既優勢
先利用自己既子彈數量一口氣作出輸出


去到前中段既戰局
我地可以見到AB已經被削一定既血量
而AB玩家既SP量都差唔多足夠可以開技2
呢個時候 可能就會進取少少
企上中場 因為大家走位開始進攻
變相有部分機體可能會走出掩體外
而呢個時候上中線更加可以增加命中率
從而提升自己既輸出 增加效益


去到中段戰局
我地應該留意右下角既戰況
鐵球開始搵AB進行擾亂 攻擊
更有可能會開必殺以求擊殺AB一命
而呢個時候AB既子彈可能會因為隊友LB死左/未開技
而用得七七八八 咁就可能需要進行近身戰
走位上應盡快搵包機隊友作出支援
始終三屬互剋呢個效應係會戰作用上好明顯
搵包機係最明智既選擇


戰局開始進入中後段
我地可以見到大多數機體都已經開齊技
而呢個時候因為AB已經有雷達
就算拳機隱身去搵AB 都未必可以埋到身
相反呢個時候就進入另一個射擊戰階段
如果AB/卡飛能夠成功殺左對方數部機體
更可以奠定自軍既勝利

UGHHH.至於終局
小弟就唔方便加以評論
始終每局既戰況所造成既殘局都唔一樣
身為重要既S機手
大家應該好好咁思考下自己既應對方式

而上面既例子只係咁多種戰局其中一種
會戰場上訊息千變萬化
大家仲會同自己既會戰基友(?)
產生唔同既打法 默契
點樣運用每一部機體就係身為操控者我地既發揮~
可以參考其他人既打法
但唔代表要完全模仿 打出自己既STYLE都係一件好事

BTW,有咩補充可以同我講
始終小弟知識有限=[
好多謝大家花時間去睇哂我呢篇終極大字海(???)
最後送一段小弟剛拍既AB會戰片
傷眼抱歉 小弟渣技術就即管噴啦~_~

wkhcharlie

支持一下~.~

無名小卒=]

屈機

longqq

xd完未姐

zeroexia01

回復 3# 無名小卒=]


    WA偉大既無名小卒餅主出現喇
我一直好仰慕你架

無名小卒=]

回復  無名小卒=]


    WA偉大既無名小卒餅主出現喇
我一直好仰慕你架  ...
zeroexia01 發表於 5-3-2013 20:41

都係虛名-,-
BTW你交左表未

zeroexia01

? 其實係加左70定100

『蜀』張飛

眼看以前公會頻好多人好熱鬧
一到五六日各個公會爭住開隊打會戰

無人打會戰原因唔係因為其他遊戲既出現

原因:13分 組合麻煩
      :可出戰的S機難有
      :第一場經已被屠,有陰影
      
原因數之不盡..

zeroexia01

回復 8# 『蜀』張飛


    ZZZ 係依家D S機難有姐

工口仔

好拎勁好似