第一次入黎
見adam哥吹得咁爽,我又吹番兩咀先[[tk_27]]
睇完佢既回覆,真係超級唔爽,大家都係讀電機姐,點解你咁鬼死hea[[tk_19]]
我自問學習天份唔差,學乜野都好快上手,由小學去到中3,都唔洗點溫書就可以考到唔錯既成績,所以我同我屋企人從來都冇擔心過成績唔好呢個問題
其實我一路以黎都好明白唔可以成世都靠天份,不過自從我小4由大陸黎左香港讀書之後
我就愈來愈討厭返學,我唔係討厭讀書,我鐘意讀書,但我真係極之討厭香港中小學呢種坐監式既校園生活
上堂等落堂,返學等放學,日日如是,每日既小息同埋放學之後既時間係我成日最精神既時間
每日返到屋企,當然係第一時間放低所有任何同學校有關既野,更加唔洗指望會成日拎本書出黎溫
理所當然地,一個討厭返學既人既下場只會係成績愈來愈差
以往今日溫,聽日考既考試方式,會考都仲可以碌得過
我間學校唔收外校生,收分唔高,我得果16分都可以原校升上中六,但高考課程根本唔可以用以往既方式黎對待
我都好清楚呢樣野,但我亦唔知道我可唔可以改變以往既態度,因為我對香港呢種咁既教育制度實在極之抗拒同埋感到厭倦..
基於我好清楚我自己既成績去到邊度,我亦冇擔心過升唔到中六呢回事,但我意識到我應該轉去另一個環境,所以係會考放榜之前我就同我阿媽講,話我肯定夠分升中六,但我唔想升上去,我想去ive讀飛機維修...
但我阿媽就係度話,人地個個搶住升,你升到做乜唔升.......佢咁講我真係唔知點答,我又唔知點解唔想比佢知我想放棄..
之後升左上去,我好努力咁改變讀書既方式,不過俗語都有話,勉強冇幸福,上到中六當然係炒到飛起,pure,phy,ue 肥晒
因為我間學校成績同升班標準差得遠係直接"勸喻退學”（上年新聞有講）
所以我考完第一次試,就開始搵後路,結果就搵到去台灣
我成家,冇人贊成我過去讀,我同佢地講數,講左好耐,今次我將一路以黎屈係個心度既所有不滿同佢地講晒(關於返學)
最後,佢地將個決定權比左我,我好任性地選擇左走人
但其實係台灣讀書,一d都唔簡單,尤其係我讀呢科電機工程
係台灣公認最惡頂既科目之一
簡單d黎講係al phy同pure深化兩3倍(我覺得),phy計乜都係要in黎in去,calculus果d thm多到o咀 (呢兩科既書各一千二百幾頁)
之後仲要玩埋computing system同埋linear algebra..
d test同exam多得恐怖,有時真係眼紅商科果d人咁鬼得閒...
通宵呢樣野自然就成為家常便飯
雖然上到大學比以前更忙,但我享受呢種生活,亦都覺得呢種生活先適合我
冇錯,讀既野係更加深同埋多,但我到而家先感覺到時間係真真正正屬於我自己,我終於重獲自由
year1完左,雖然有時真係比考試迫得好緊,下學期好不幸地calculus肥左,下年要重修 (即係台灣人所講既,被"當")
但我覺得都算對得住自己,亦都搵番失去已久既讀書既滿足感同埋樂趣
anyway,我覺得我既決定係正確既[[tk_32]] |
發表於 13-7-2009 00:44:43
樓主
